أحداث مرت بيا
تجارب و خبرات عشتها
مشاعر حستها
و ناس عرفتهم
أوقات مرت عليا
*
عايزة أعمل لها undo
أمحيها من حياتى
و أشيلها من ذكرياتى
*
مش عايزة أسمع أغنية ألاقيها بتفكرنى بحد
أو أروح مكان أفتكر فيه حدث وحش
عايزة أشيل مرارة الذكريات من جوايا
نفسى أرجع صفحة بيضا زى الأطفال
و مسمحش لحد انه يشخبط عليا
*
* * *
*
كل شىء صار مرا فى فمى ........بعد ما أصبحت بالدنيا عليما
آه مـن يـأخـذ عـمـرى كـلـه ........و يعيد الطفل و الجهل القديما
الأبيات لإبراهيم ناجى
.jpg)
3 قالوا اللى فى دماغهم:
impossible
مستحيل يعني
:D
مش قصدي احبطك
بس عادي يعني
عيشي
وخليها مجرد زكريات
تضحكك بدل ما تعيطي منها
اتعلمي منها بدل ما تمسحيها و تبقى معندكيش اي خبرة و تبقي زي طفلة بتخوض الحياة بلا اى وسائل دفاع ولا هجومولا حتى استراتيجيات
الحياة مش موجودة عشان تبقى كلها هنا و فلو سعادة يعني
سيبك
كبري دماغك شوية (مين اللى بتنصح) هع
انا بنصحني معاكي يعني
خير خير
سلام عليكِ
نعكشة
عارفة انه مستحيل
بس غصب عنى احيانا لما بفتكر حاجه وحشة بيجى لى الاحساس ده
و دى حالة مؤقته و الحمد لله
حاضر من عنيا هكبر دماغى
تسلمى يا قمر
و عليكم السلام
كل عام وانتى طيبه
بمناسبه عيد ميلادك وعيد الحب
بجد مش ناسى
إرسال تعليق